WPC технологи

Barilga.MN Barilga.MN
2019-11-05
WPC технологи
  1. WPC материалын тухай:
WPC нь Wood Plastic Composites буюу мод-хуванцрын нийлмэл гэсэн үгний товчлол юм. Тус технологийн барилгын материал нь модны үртэс, хуванцар, чулууны үйрмэг зэргийг үйлдвэрийн аргаар боловсруулан шахаж гаргасан Герман улсын эко шинэ технологи бөгөөд барилга барих уламжлалт материал цемент, тоосго, блок, шавар, чулуу, элс, мод зэргийг бүрэн орлодог ба улирал харгалзахгүй маш хурдан хугацаанд угсардаг. Энэ нь барилгын салбарт цаг хугацаа, өртөг зардлыг хэмнэж, өндөр бүтээмж бий болгодог.  

Мод-хуванцрын нийлмэл энэхүү материалаар амьны орон сууц, оффис үйлчилгээний барилга, сургууль цэцэрлэг, эмнэлэг зэрэг барилгуудыг барьж болохоос гадна барилгын үндсэн хана, гадна өнгөлгөө, дотор засал, тагтны шал, террас,  хашлага, хашаа, саравч сүүдрэвч, сандал, явган хүний зам, гүүр, гадна тохижилтын бүх төрлийн ажлуудыг хийж гүйцэтгэх боломжтой.
WPC материалын давуу талууд:
  • Гандаж өнгө үзэмжээ алдахгүй
  • Дулааны алдагдал багатай, эрчим хүчний хэмнэлттэй
  • Богино хугацаанд улирал харгалзахгүй угсрах боломжтой
  • Бат бөх уян хатан чанартай
  • Хагарч цуурахгүй
  • Ус чийгэнд автахгүй
  • Байгалийн мод шиг харагддаг
  • Байгаль орчинд ээлтэй, хүний биед хор нөлөөгүй
  • Хүссэн хэмжээгээрээ зүсэж тайрах боломжтой
  • Даацын хэмжээ ихтэй
  • Хорхой шавьжинд идэгдэхгүй
  • Эдэлгээний хугацаа урт
  • Халуун хүйтэнд тэсвэртэй
  • Гал дэмжихгүй
  • Барилгын бүх материалыг орлож чаддаг
  • Газар хөдлөлтийн 8 баллд тэсвэртэй
  • Дуу чимээний тусгаарлалт сайтай
  • Дахин боловсруулж болдог зэрэг олон давуу талуудтай.
WPC материалууд:
  • Дүүргэлтийн хана хавтан
  • Гадна тохижилтын материал
  • Гадна өнгөлгөөний материал
  • Дотор заслын материалууд
  • Бүтээгдэхүүний нэр төрөл /сүүдрэвч, сандал, хайс хашлага, цэцгийн мандалын хайрцаг, элсний хайрцаг, хогийн сав г.м

     2. WPC Барилгын технологийн тухай:
Барилгын үндсэн араг бүтэц нь шууд угсралт хийх боломж бүхий ган төмөр хийцтэй угсармал материалиуд дээр суурилсан тул богино хугацаанд улирал харгалзахгүй угсарч болдог. Хана дүүргэлтийн угсармал хавтангаа ханын бэхэлгээний зам төмрөөр бэхэлж тогтоох ба гадна өнгөлгөөний WPC материалиар бүрнэ.
WPC ханын хавтан нь хөндий вакумжсан орчин үүсгэдэг тул дулаан тусгаарлах өндөр чадвартай, мод чулуу, хуванцрын нийлмэл тул цемент шиг ус чийгэнд тэсвэртэй, мод шиг агаар нэвтрүүлдэг тул амьсгалдаг хана гэж нэрлэдэг. Үйлдвэрлэлийн боловсруулалтын явцад ямар нэг химийн хортой бодис агуулагдаагүй, бат бөх чанарын шалгалтаар хүлээн зөвшөөрөгдсөн, барилгын технологийн бүх үзүүлэлтүүдийг хангасан, арматур, бетон краказ бүтэц бүхий барилгын үзүүлэлттэй адил бөгөөд зарим үзүүлэлтийн хувьд илүү болох нь батлагдсан.